«Тіл – татулық тірегі» атты қабырға газеттері байқауы

11.11. 2025ж.
«Тіл – татулық тірегі» атты қабырға газеттері байқауы өткізілді.
Мақсаты:
Мемлекеттік тілдің мәртебесін арттыру, оқушылардың тілге деген құрметі мен сүйіспеншілігін қалыптастыру, сондай-ақ ұлттар арасындағы достық пен татулықты дәріптеу мақсатында мектебімізде «Тіл – татулық тірегі» атты қабырға газеттері байқауы ұйымдастырылды.
Байқау барысы:
Байқауға мектептің 5–9 сыныптары белсене қатысты. Әр сынып және жеке оқушылар өз қабырға газеттерін дайындау барысында қазақ тілінің маңызы, ел бірлігі мен ынтымағы, мемлекеттік рәміздер және ұлттық құндылықтар тақырыбын қамтыды.
Оқушылар өз шығармашылық қабілеттерін танытып, мақал-мәтелдер, өлең жолдары, суреттер және ұрандар арқылы қазақ тілінің қоғамдағы рөлін бейнеледі.
Нәтижесі:
Қазылар алқасы жұмыстарды мазмұны, безендірілуі, шығармашылық идеясы және тіл мәдениетін жеткізу шеберлігі бойынша бағалады.
Байқау қорытындысында үздік қабырға газеттері анықталып, жеңімпаз сыныптар мен белсенді оқушылар марапат қағаздарымен және алғыс хаттармен онкүндік  жабылу кезінде марапатталады.
Маңызы:
Бұл іс-шара оқушылардың мемлекеттік тілге деген қызығушылығын арттырып, достық пен татулықты насихаттауға, сондай-ақ ұжымдық бірлікті нығайтуға үлкен үлес қосты.

/public/files/2025/11/11/111125_141205_whatsapp-video-2025-11-11-at-130358.mp4

/public/files/2025/11/11/111125_141331_whatsapp-video-2025-11-11-at-130444.mp4